लव यू भोले

Love You Bhole

महादेव शिव शम्भू मनै तू सच्चा लागै सै
बेरा प्यार व्यार का ना भोले पर अच्छा लागै सै

सुणले भोले एक राज लव यू सै तन्नै आज

जटा तै तेरै लिकडै गंगा गाल मैं तेरे नाग सै
मस्तक पै तेरे तीसरा नेत्र तांडव मैं तेरे आग सै
तेरा डम डम डम बाजै डमरू सच्चा लागै सै
बेरा प्यार व्यार का ना भोले पर अच्छा लागै सै

सच्ची कहूं सु भोले बाबा इश्क तेरा यो गजब का सै
दर पे तेरे मस्त रह अड़ै झुकता सिर यो सबका सै
सुण बगड़ बम संजीत भी इब तो माच्चा लागै सै
बेरा प्यार व्यार का ना भोले पर अच्छा लागै सै